Monbus

Se desexas presentar unha reclamación formal fronte á empresa, deberás facelo no libro oficial dilixenciado pola Administración, que poderás solicitar nos distintos despachos autorizados para a venda de billetes, así coma nos vehículos que prestan os servizos e nas nosas instalacións fixas. En todo caso, lembra que tamén podes presentar unha reclamación ante a Xunta Arbitral de Transportes, creadas como instrumento de protección e defensa das partes intervenientes no transporte, e coas competencias previstas na LOTT e nas normas de desenvolvemento da mesma. Para máis información podes ver a contestación á pregunta: Como podo formular unha reclamación ante a Xunta Arbitral de Transportes?

Se desexas facer algunha suxestión para mellorar algún dos nosos servizos ou simplemente trasladar as túas necesidades particulares, podes facelo a través da Caixa de Correo de Suxestións habilitada na Sección de Contacto. Se desexas presentar unha reclamación deberás facelo a través do libro oficial dilixenciado pola Administración.

Para presentar unha queixa deberás hacerlo a través do formulario de contacto da web.
Neste, deberás seleccionar que trátase dunha queixa e cubrir todos os campos requeridos, así como indicar a data, hora, liña e parada do servizo. Recomendamos tamén dar a información máis completa posible para disminuir o tempo de resolución.

Se non é posible presentala a través da web por circunstancias especiais poderase presentar a través do teléfono de información dende donde axudaran co proceso.

Comprometémonos a confirmar o recibo da queixa en menos de 48 horas salvo casos excepcionais derivados de errores o incidencias puntuales.

As queixas serán atendidas en un plazo máximo de 15 días.

Se desexas consultar o estado da túa queixa poderás facelo sempre a través das canles de atención ao cliente (info@monbus.es o 900 92 91 92).

Corresponde ás Xuntas Arbitrais resolver, cos efectos previstos na lexislación xeral de arbitraxe, as controversias de carácter mercantil xurdidas en relación co cumprimento dos contratos de transporte terrestre cando, de común acordo, sexan sometidas ao seu coñecemento polas partes intervenientes ou outras persoas que ostenten un interese lexítimo no seu cumprimento. Así mesmo, dacordo co disposto no artigo 6 do ROTT, quedan, en todo caso, excluídas da competencia das Xuntas as controversias de carácter laboral, penal ou tributario.

Ademáis, corresponderalles resolver, en idénticos termos aos anteriormente previstos, as controversias xurdidas en relación cos demais contratos celebrados por empresas transportistas e de actividades auxiliares e complementarias do transporte cuxo obxecto estea directamente relacionado coa prestación por conta allea dos servizos e actividades que, conforme ao previsto na presente Lei, atópanse comprendidos no ámbito da súa actuación empresarial.

Presumirase que existe o referido acordo de sometemento á arbitraxe das Xuntas sempre que a contía da controversia non exceda de 15.000 euros e ningunha das partes intervenientes no contrato manifestase expresamente á outra a súa vontade en contra antes do momento en que se inicie ou debese iniciarse a realización do transporte ou actividade contratado.

Salvo que as partes pactasen previamente e por escrito a submisión a unha Xunta concreta, a competencia territorial das Xuntas Arbitrais virá determinada, a elección do demandante, pola orixe ou destino do transporte ou polo domicilio da empresa prestadora do servizo. Cando o demandante sexa un consumidor ou usuario dos definidos na lexislación para a defensa dos consumidores e usuarios, poderá optar ademais pola Xunta competente no lugar en que teña a súa residencia habitual. Cando unha controversia sexa presentada ante máis dunha Xunta, será competente aquela #ante a que se suscitou con anterioridade, debendo absterse no seu favor as restantes.

A posibilidade de acción ante as Xuntas para promover a arbitraxe de controversias de carácter mercantil xurdidas en relación co cumprimento dos contratos de transporte terrestre e daqueloutros que teñan por obxecto a prestación das actividades auxiliares e complementarias do transporte reguladas na LOTT, prescribirá nos mesmos prazos en que se produciría se se tratase dunha acción xudicial que se expuxese ante os Tribunais de xustiza.

As actuacións arbitrais das Xuntas serán instadas por escrito asinado polo actor ou os seus representantes, no que se expresará o nome e domicilio do reclamante e da persoa contra a que se reclama, facendo exposición dos fundamentos de feito e de dereito nos que se xustifique a reclamación, especificando de forma clara e precisa a petición e propoñendo as probas que se estimen pertinentes. Para a comparecencia ante a Xunta de Arbitraxe non será necesaria a asistencia de avogado nin procurador. A intervención das Xuntas é gratuíta.

Podes obter máis información consultando os artigos 37 e 38 da Lei 16/1987, do 30 de xullo, de Ordenación dos Transportes Terrestres (LOTT); os artigo 6 a 12 do Real Decreto 1211/1990, do 28 de setembro, (ROTT), así como nas normas das distintas Comunidades Autónomas que as constituíron.