Monbus

MONBUS

Monbus é unha agrupación de empresas con intereses comerciais afíns, que conta cunha historia de máis de cen anos, vinculada ao transporte de viaxeiros por estrada. Na actualidade, somos líderes do sector de entre todas as empresas compostas integramente por un conxunto de accionistas españois.

Empresas principais

• La Hispano Igualadina S.L.
• Vigo Barcelona, S.A.
• Castromil, S.A.U.
• Eurolines Peninsular, S.A.U.
• Empresa Monforte, S.A.U.
• Transportes la Unión, S.A.
• Auto Industrial, S.A.U.
• Autobuses Alsina, S.L.
• La Requenense de Autobuses C.L., S.A.
• Alcalabus, S.L.
• Autobuses Urbanos de Lugo, S.A.

Para a prestación dos seus servizos, Monbus dispón dunha ampla e moderna frota de autocares e turismos de alta gama, que permiten chegar a calquera lugar de Europa.

Máis alá da extensa oferta de servizos de Transporte Regular e Transporte Discrecional, as posibilidades para o cliente de Monbus amplíanse con servizos de aluguer de frotas de vehículos á medida das súas necesidades, a través de fórmulas de Renting e semellantes, de organización de congresos e de actividades culturais de saúde - lecer.

Principais liñas de negocio

• COMPRA
  DE BILLETES E HORARIOS
  (Transporte Regular de viaxeiros) Os servizos de Transporte Regular de viaxeiros por estrada son aqueles que se efectúan dentro de itinerarios suxeitos a calendarios e horarios prefixados de xeito oficial. Esta modalidade de transporte é estable co tempo, tendo unha regularidade periódica. A empresa está obrigada a prestar estes servizos con arranxo ás condicións prefixadas polas diferentes Administracións.
• ALUGUEIRO DE
  VEHÍCULOS CON CONDUTOR
  (Transporte Discrecional de Viaxeiros) Para o Transporte Discrecional de viaxeiros, a empresa oferta unha serie de vehículos de alugueiro (minibuses, autocares e turismos de alta gama) e proporciona un condutor profesional que realizará o servizo. A diferenza dos servizos de Transporte Regular, os servizos discrecionais non están suxeitos a un itinerario, calendario nin horarios predefinidos, sendo o usuario quen, de xeito individual ou colectivo, determine estas variables do xeito que máis lle conveña.
• ALUGUEIRO DE
  VEHÍCULOS SEN CONDUTOR
  (Servizos de Renting) O Renting que oferta Monbus é un servizo integral de alugueiro a longo prazo dunha frota actualizada de vehículos comerciais, industriais, turismos e 4x4. Deséñanse solucións á medida do cliente, que resultan moi cómodas e vantaxosas porque ademais de ser un aforro financeiro, fiscal e de tempo, inclúen todos os servizos precisos para a posta en marcha e un óptimo funcionamento do vehículo: xestión de compra e posterior venda do vehículo, pago de taxas e de ITV, seguro a todo risco, mantemento, substitución de pneumáticos, reparacións e asistencia en estrada.

Obxectivos fundamentais

A nosa meta principal consiste en proporcionar un servizo de calidade baseado na satisfacción e comodidade dos usuarios, polo que damos especial importancia á seguridade, á puntualidade, á seriedade do servizo, sen perder de vista a formación e cualificación de todos os nosos empregados. Todo isto seguindo unha liña vangardista e de modernización da frota, sobre a base da implementación de sistemas e tecnoloxías cada vez máis respectuosas co medio ambiente.