Monbus

Podes adquirir os billetes dende o momento en que se poñan á venda, sen que sexa imprescindible que os merques cunha antelación determinada. Non obstante, é importante que teñas en conta que:

• - Os puntos de venda físicos só despacharán billetes en horario de atención ao público (Ver localización e horarios dos nosos despachos de billetes e axencias aquí).
• - que a venda de billetes no despacho pecharase para un servizo determinado nos seguintes casos:  
              - cando se esgoten as prazas dispoñibles para ese servizo
              - en calquera caso cando falten cinco minutos para a saída do servizo. 

Polo tanto, recomendámosche que merques o billete con certa antelación para evitar problemas de dispoñibilidade de prazas, especialmente nos traxectos de longo percorrido.

Como norma xeral, existen varias opcións á hora de mercar un billete:

- A través da nosa páxina web www.monbus.es, sempre que o servizo seleccionado teña habilitada a venda online.
- Nos despachos de billetes, oficinas e axencias. Consulta aquí o horario e a situación dos nosos puntos de venda.
- No propio autobús, a través do condutor e sempre que estea dispoñible a venda en ruta.
- A través de axencias de viaxes, (principalmente para liñas regulares de longo percorrido).
- A través de máquinas expendedoras automáticas naqueles lugares (a bordo dos vehículos ou nas Estacións de Autobuses) onde estean instaladas.

Para saber que tipo ou tipos  de venda están habilitados nalgún servizo concreto, unicamente debes fixarte no panel de expedicións que mostramos para esa ruta durante o proceso de compra ou de consulta de horarios  da páxina web.

Na sección “OPCIÓNS DE COMPRA” mostrámosche todas as formas que tes para mercar billetes na ruta e a data seleccionadas.
Se a ruta que seleccionaches ten habilitada a opción de compra online mostrarase o botón MERCAR, sempre e cando non se esgotasen as prazas dispoñibles (COMPLETO), o vehículo non iniciase o servizo (EN TRÁNSITO) ou xa o realizase (FINALIZADO).

Tanto se a venda online estivese dispoñible coma se non, podes consultar todas as alternativas de compra facendo clic no enlace "Ver máis opcións de compra" ou sobre as iconas mostradas (Despacho, Venda en Ruta, Axencias...).

Tamén podes solicitar esta información tanto nos despachos, coma a través do teléfono de Atención ao Cliente.

Podes seleccionar os asentos que desexes dentro dos dispoñibles no momento da compra. En calquera caso, é importante que saibas que, só se pode seleccionar o asento en aquelas expedicións que teñan habilitada esta opción, algo que poderás comprobar no proceso de compra.

Se extraviaches o teu billete impreso podes volver a imprimilo a través do módulo “Xestiona a túa Reserva” da web seguindo estes pasos. De todos os xeitos, os billetes adquiridos a través do citado portal web son nominativos, polo que poderías acudir ao despacho e solicitar unha copia do teu billete, tendo que acreditar a túa titularidade do mesmo amosando o correspondente documento de identidade. Pola contra, non se poderá imprimir unha copia do billete.
Ten en conta ademais, que unha vez superada a hora de saída oficial da expedición, os teus billetes perderán toda validez e tampouco será posible imprimilos a través da web.

A validez do billete de ida e volta para itinerarios de máis de 250 quilómetros será de seis meses a partir da data de emisión. No resto dos servizos de transporte nos que se oferte esa posibilidade, a validez dos billetes de ida e volta será de 15 días a contar dende a data da ida.

Se seleccionas un asento, quédase bloqueado durante un período comprendido entre 15 e 20 minutos para garantir que a praza se atope reservada durante o proceso de compra. 

Se non podes vincular unha data coa orixe e destino seleccionados significa que, o servizo non está dispoñible. Isto pode suceder porque non está habilitada a venda por internet para ese servizo concreto ou porque non hai prazas dispoñibles para o mesmo. 

Os descontos que se aplican nos servizos de transporte das diferentes empresas adheridas a Monbus son moi variables en función de:

• A concesión administrativa que determina as condicións do servizo.
• A pertenza a determinados colectivos (estudantes, xubilados, familia numerosa, traballadores dunha empresa concreta, etc.)
• Promocións ou ofertas especiais.

​En xeral podemos clasificar os descontos dispoñibles en dous grandes tipos:

1 - Descontos sobre o prezo do billete - varían dependendo da concesión administrativa que regula un servizo de transporte concreto en cada caso. En todos os casos é posible consultar os descontos que se aplican durante o proceso de compra de billetes / consulta de horarios nesta mesma web. En xeral aplícanse descontos sobre o prezo do billete nos seguintes casos:

• Descontos para colectivos (Carné Xove, Familia numerosa, Xubilados, etc.)
• Nos billetes de ida e volta (aplicando un % de desconto sobre o billete de volta).  

2 - Bonos de transporte - Se realizas con frecuencia un traxecto concreto podes obter descontos pola compra anticipada dun número determinado de viaxes, ou durante un período de tempo concreto. Os bonos de transporte poden ser á súa vez:  
 

• Bonos Sinxelos - Podes conseguir descontos ao mercar de xeito anticipado un número determinado de viaxes (Bono 20, Bono 30, Bono 40 etc). Como norma xeral, cantos máis viaxes teña o bono, maiores serán os descontos na compra do mesmo. Actualmente só se expiden bonos sinxelos para as Rutas Rexionais Galicia (nunca en tramos metropolitanos e urbanos de Galicia xa que estes bonos están regulados polo TMG) e as rutas rexionais de Castela A Mancha. Este tipo de bonos non son nominativos, non obstante, non se permite o seu emprego en máis dunha ocasión na mesma viaxe. Actualmente, o único xeito de mercar un bono sinxelo é acudindo ao despacho de billetes máis próximo, onde serás informado dos tipos dispoñibles para ese traxecto.
   
• Bonos Especiais - Son bonos destinados a persoas pertencentes a diferentes colectivos (estudantes, traballadores dunha empresa concreta, persoal médico sanitario, etc) e soen ser negociados por empresas públicas ou privadas que desexan concertar un desconto nos  traslados dos seus empregados / alumnos aos respectivos centros de estudo / traballo. Este tipo de bonos son sempre nominativos, isto é, persoais e intransferibles. Para poder adquirilos é preciso presentar unha serie de documentación que acredite a pertenza a estes colectivos. Podes solicitar máis información enviando un email a bonos@monbus.es ou chamando ao 982 29 29 00.

Os descontos non son acumulables entre sí, agás os explicitamente contemplados pola lexislación vixente ou que así se indique por parte da empresa -podes consultalo no proceso de compra ou no despacho de billetes-. En concreto, o desconto por familia numerosa será acumulable co resto de descontos.

Os únicos medios de pago aceptados no portal son: tarxeta financeira Visa, MasterCard e JC, e tamén PayPal.