O Obradoiro reencóntrase coa vitoria
O Rio Natura Monbus Obradoiro resurxe cunha gran vitoria no Fontes do Sar fronte ao UCAM Murcia (88- 69). Tras unha dura serie de derrotas encadeadas, chegou o merecido triunfo no partido correspondente á vixésimo novena xornada da Liga Endesa.
Un Fontes do Sar cheo animou ao Obradoiro durante todo o encontro. Facendo gala do espíritu combativo que sempre caracterizou ao equipo galego e arroupado pola súa afición, o UCAM Murcia chegou a último cuarto case sen opcións de vitoria.
A sorpresa chegou da man das novas fichaxes obradoiristas. Por un lado Aleks Maric (7 puntos), curtido en mil batallas, consegueu contaxiar a todo o equipo da súa garra e experiencia e polo outro, o ruso Evgeny Kolesnikov (19 puntos) que liderou a vitoria obradoirista con catro triples decisivos en apenas catro minutos.
O Rio Natura Monbus Obradoiro recuperou sensacións despregando unha gran intensidade defensiva, xogo de combinación e rápidos contraataques. Coma unha máquina ben engraxada, ofreceu un rendemento similar ao do comezo da tempada. Cabe destacar as boas actuacións de Angelo Caloiaro (14 puntos) e Donnie McGrath (12 puntos e 10 asistencias) levando a direción do equipo de forma maxistral.
Esta importante vitoria devolve ao Rio Natura Monbus á zona de permanencia, ca inxeción de moral que supón para afrontalas decisivas cinco xornadas restantes da Liga Endesa.
¡Forza Obra!