Sorteo da Copa do Rei Baloncesto 2016
A Coruña, sede oficial da Copa do Rei de Baloncesto, acolleu hoxe o sorteo de emparellamento no Pazo Municipal de María Pita.
Entre o 18 e o 21 de febreiro, o Coliseum será o escenario onde se disputarán os sete partidos da fase final da competición. Os oito equipos participantes, entre eles o Rio Natura Monbus, o equipo anfitrión, xogarán os cuartos e optarán á semifinal e final do esperado encontro.
Tralo sorteo de cruzamentos dos cuartos de final, desvelouse o rival do Rio Natura Monbus: o equipo medirase co Laboral Kutxa Basconia.
O Obradoiro estivo representado por Raúl López, presidente do Consello de Administración do Obradoiro CAB e presidente de Monbus, os xogadores portavoces Santiago Yusta e Adam Waczynski, así como o adestrador Moncho Fernández.
Francisco Roca, director da ACB, recoñeceu o labor e satisfación de que a Copa do Rei de Baloncesto se celebre na Coruña; do mesmo xeito, quixo agradecer o esforzo e predisposición a Raúl López e ao Obradoiro por facelo posible.