Monbus

Dende hoxe mesmo os usuarios de Monbus poderán realizar as súas compras online a través de PayPal. Este sistema de pago está fortemente consolidado en Internet, xa que é seguro e axiliza o proceso de compra a millóns de usuarios en todo o mundo.

O pago mediante PayPal ademais de ser gratuíto para o comprador, é unha forma sinxela, áxil e segura de realizar transaccións en Internet sen necesidade de compartir detalles de tarxetas ou contas bancarias. Simplemente se precisa elexir esta forma de pago durante a compra, vencellando previamente unha tarxeta de débito, crédito ou conta bancaria no portal de PayPal. Para completar o proceso, como é característico deste sistema, os usuarios serán redirixidos fóra da web de Monbus á páxina de Paypal, onde só será necesario introducir as claves de acceso (correo electrónico e contrasinal).

Para garantizar a seguridade de cada conta, Paypal controla todas as transaccións de forma continua evitando fraudes ou suplantacións de identidade. A información almacénase de forma segura e protéxese mediante un sistema de encriptación e codificación automática. De producirse, o usuario ten un prazo 60 días para notificar dita suplantación ou compra non autorizada e Paypal procede á devolución do diñeiro. Ademais a seguridade das transaccións está garantida tanto se compras en España como se o fas dende o estranxeiro. Actualmente máis de 200 países de todo o mundo aceptan pagos mediante PayPal.