Monbus comprométese un ano máis co CBI
Monbus continuará unha tempada máis como patrocinador principal do equipo Senior Masculino A do Club Baloncesto Igualada. Esta será a terceira campaña na que Monbus acompañará ao conxunto igualadino na súa viaxe pola liga EBA.
O representante de Monbus, Cleto Vázquez, asinou a renovación e o compromiso de Monbus co baloncesto da localidade, a través deste equipo que tantos éxitos cultivou as dúas últimas tempadas.
Pola súa banda, Jordi Balsells e Neus del Río, responsables da presidencia do CBI, móstranse moi satisfeitos por contar de novo co patrocinio de Monbus “nun momento no que hai que valorar máis que nunca o apoio empresarial ao deporte, dada a difícil situación social e económica xerada pola crise sanitaria”.
Coa máxima ilusión e ambición, Jordi Martí e os seus xogadores traballarán mirando cara arriba, co obxectivo marcado no ascenso e en mellorar os resultados conseguidos a tempada pasada, cando o equipo acabou na segunda posición do seu grupo. Do que non hai dúbida é de que o equipo dará o mellor de si.