O Monbus Obradoiro vence ao Valencia Basket
Felicidade en Compostela coa vitoria do Monbus Obradoiro fronte a un dos titáns da liga Endesa, o Valencia Basket, por 86-83.
Os composteláns empezaron anotando tres triplos consecutivos, os valencianos reaccionaron en defensa cun destacado Guillem Vives para pechar o primeiro cuarto con lixeira vantaxe local 21-15.
O segundo cuarto Dejan Kravic brillou con luz propia elevando a diferenza ata 10 puntos (30-20). #Ante o desastre San Emeterio tirou dos seus galóns para sumar un parcial 2-13 poñéndose na cabeza. O encontro estaba igualado e o Obradoiro volveu tentar co tiro exterior volvendo poñerse por diante ao descanso 44-42.
O terceiro parcial foi un toma e daca en toda regra, ambos os equipos mantiveron a igualdade en ataque e defensa con escasas vantaxes para uns e outros (58-57). Vives e San Emeterio botáronse ao Valencia sobre os seus ombreiros sorprendendo á defensa local ao final do parcial, que sumado a un triplo de Labeyrie despegáronse deixando o parcial (61-68).
Ao comezo do último cuarto o Obradoiro aproveitou varias perdas de balón do equipo rival meténdose de novo no partido. A afección local ruxiu co triplo de Maxime de Zeeuw que puxo a igualada no marcador (75-75). A igualada continuou con pingües vantaxes para locais e visitantes. Van Rossom fallou un dos dous tiros libres decisivos para levar o partido á prórroga (84-83), deixando ao Obradoiro vía libre para levar o partido a falta de 6 segundos.