Servizos especiais para o Caudal Fest
Urbanos de Lugo ofrecerá un servizo especial gratuíto para os desprazamentos de todos os asistentes ao Caudal Fest, que se celebrará en Lugo o 20 e 21 de setembro. Os autobuses conectarán o centro da cidade e o recinto do festival con saídas cada 15 minutos.
O venres 20, os servizos desde Praza Bretaña circularán a partir das 18:00 h e ata as 02:15 h da madrugada, mentres que desde o festival as saídas comezarán ás 18:15 h e prolongaranse ata as 02:30 h.
Pola súa banda, o sábado 21 o servizo especial urbano empezará antes. As saídas desde Praza Bretaña funcionarán desde as 14:00 h ata as 04:00 h. No sentido oposto, os autobuses farán o percorrido desde o festival entre as 14:15 h e as 04:00 h.
Nos dous días que dura o Caudal Fest, Urbanos de Lugo reforzará o seu servizo especial durante a madrugada co fin de posibilitar o traslado dos usuarios que se dispoñan a regresar do festival cara ao centro da cidade.