Monbus xa xestiona os Urbanos de Talavera
Desde o 1 de abril, Monbus encárgase da xestión dos autobuses urbanos de Talavera de la Reina. Na web www.urbanostalavera.com, os usuarios poderán consultar toda a información relacionada coa posta en marcha do novo servizo de transporte do municipio manchego.
O novo portal será o punto informativo no que estarán publicados as diferentes liñas de transporte que vertebran a cidade e os seus correspondentes horarios, así como as tarifas vixentes e os bonos dispoñibles para que os usuarios poidan aforrar nas súas viaxes diarias.
Cabe destacar que o prezo do billete sinxelo redondeouse e de 1,02€ pasará a custar 1€. O resto das tarifas manteranse sen variacións respecto das que estaban en funcionamento ata agora, con diferentes opcións de bono (ordinario, novo ou xubilado) que ofrecerán importantes descontos no importe final da viaxe. A maiores, haberá outras dúas categorías que terán tamén bonificados os seus desprazamentos, como son as familias numerosas e as persoas con mobilidade reducida.
Así mesmo, a web ofrecerá información detallada do funcionamento en tempo real do servizo e contará cun sistema de avisos que informará sobre posibles incidencias que poidan xurdir durante a circulación dos autobuses.
Para calquera consulta, comentario ou suxestión relacionada cos servizos, os usuarios terán á súa disposición dúas vías de contacto: poden dirixirse ao correo electrónico info@urbanostalavera.com ou contactar a través do teléfono 925 298 068.