Modificación de liñas na Semana Santa
Achégase a Semana Santa! É tempo de descansar e de gozar dunhas merecidas vacacións que nunca veñen mal. Á hora de viaxar con Monbus, hai que ter en conta que algúns dos servizos veranse afectados polas festividades.
As liñas nacionais de Vibasa que parten desde Galicia aumentarán as súas expedicións para poder ofrecer conexións diarias aos diferentes destinos dispoñibles. Esta programación especial prolongarase ata o próximo 2 de abril.
En toda a comunidade galega, as liñas comarcais circularán con horario de festivo durante o xoves 29 e o venres 30 (Xoves Santo e Venres Santo). Por outra banda, lémbrase aos usuarios que os horarios referentes ao período lectivo non estarán vixentes durante a Semana Santa.
Zona mediterránea
No caso de Catalunya, os días de festa serán o venres 30 de marzo e o luns 2 de abril (Luns de Pascua) polo que durante eses dous días os autobuses circularán segundo os horarios de festivo.
Na Comunidade Valencia tamén haberá modificacións. O xoves 29, todos os servizos con saída e chegada en Valencia realizaranse co seu horario habitual, aínda que haberá expedicións que se suprimirán:
• Albacete - Requena (08:45h e 16:45h)
• Requena - Albacete (10:45h)
• Requena - Casa Ibañez (18:45h)
O venres 30 non haberá servizo e o domingo 1 de abril a actividade reducirase ás seguintes liñas:
• Valencia - Tomelloso (ida ás 09:30h, volta ás 15:15h)
• Valencia - Conca (ida ás 11:45h, volta ás 16:30h)
Os servizos recuperarán a súa actividade normal o luns 2, fóra da ruta Ayora - Requena - Valencia, que ese día realizarase con horario de domingo (ida ás 17:15h, volta ás 19:45h).
Castela-A Mancha
As liñas da rexión manchega terán afectacións. Tanto o xoves 29 como o venres 30 sairán de Albacete as seguintes expedicións:
• Albacete - Villarrobledo (ida ás 6:00h e 18:00h, volta ás 8:00h e 20:00h)
• Albacete - Hellín (ida ás 6:40h, 13:10h e 20:40h; volta ás 8:30h, 13:10h e 22:10h)
• Albacete - Cuenca (saída ás 18:15h).
A maiores, o propio xoves haberá servizo tamén entre Villanueva de los Infantes - Albacete - Valencia (a ida pasa por Albacete ás 10:10h, a volta pasa ás 16:15h) e entre Albacete - Valencia (ida ás 13:30h, volta ás 16:45h).
Por último, as saídas desde Cuenca tamén se reducirán nestas datas. Desde o municipio conquense sairá o xoves unha expedición cara a Valencia (08:30h) e outra cara a Albacete (16:15h). Este último servizo cara á localidade albaceteña será o único dispoñible o venres co mesmo horario.