Monbus

O Atlético de Madrid non viaxa só. Nos seus partidos lonxe do Wanda Metropolitano, o conxunto colchoneiro ten desde esta campaña un inseparable compañeiro de viaxe. Monbus será o autobús oficial do equipo para o próximas cinco campañas e levará aos branquivermellos en busca da vitoria nos diferentes estadios que visite durante a tempada.

Os xogadores e o corpo técnico gozan dun espectacular SETRA S517 HDH de 46 prazas, equipado cos elementos de confort e seguridade máis avanzados do mercado.

Para que a única preocupación dos futbolistas sexa pensar no partido, o vehículo conta con todas as comodidades. Cada xogador ten á súa disposición asentos de pel reclinables e con desprazamento lateral, así como tomas de corrente e USB en cada praza. Ademais, o sistema de entretemento individual permítelle amenizar a viaxe de forma personalizada coas pantallas situadas nos respaldos das butacas. Esta plataforma multimedia está igualmente accesible a través dos seus propios dispositivos electrónicos ( smartphones, tablets, etc.) mediante o sistema Own Device. 

Cuberto cun espléndido teito panorámico, o autobús dispón tamén de dúas mesas na parte traseira, catro monitores de televisión, conexión WiFi, cafeteiras, neveiras, microondas e un amplo baño para que os xogadores se sintan como na casa.

Á vangarda en seguridade

Á marxe de estar á última en entretemento e confort, o vehículo conta cos últimos avances en materia de seguridade.

O chan é antiescorregadizo e as portas teñen bordos sensibles anti-atrapamentos. Así mesmo, as vías de entrada ao autobús están equipadas cun sistema de bloqueo que impide a rodaxe do vehículo en caso de estar abertas. O botiquín e unidade de desfibrilación serven como elementos de resposta ante calquera emerxencia.

Por outra banda, entre os diferentes sistemas de aviso incorporados destacan o de fatiga do condutor, o de saída involuntaria de carril e o de colisión por alcance. Este último, coñecido como sistema de seguridade ABA3, reduce a velocidade ante outro vehículo que vai diante e mantén automaticamente a velocidade detrás do devandito vehículo.

O control de velocidade Tempomat Intelixente, as cámaras de visión frontal e marcha atrás con sensor de aparcadoiro, o sensor de choiva e de luz, o sistema de freado electrónico EBS, control de estabilidade ESP, control de tracción ASR e o sistema de protección contra incendios FOGMAKER no motor complementan unhas características de luxo á altura das estrelas branquivermellas.